വിരാമം
ചില ഓർമകൾക്ക്, വഴികൾക്ക്, വാക്കുകൾക്ക്, ഇപ്പോളും നിന്റെ മുഖമാണ്. നിന്റേതല്ലാത്തവ കൂടെ ചിലപ്പോൾ നിന്റെ രൂപം പ്രാപിക്കുന്നു. മുറിവുകൾ ഉണങ്ങിയതാണ്; എങ്കിലും, ചില ഓർമപ്പെടുത്തലുകൾ. ശ്വസിക്കുന്ന വായുവിനു പോലുമുണ്ട് ഓർമിപ്പിക്കുവാനേറേ. ഒരു പക്ഷേ, ഒടുവിലത്തേത് ആകാം. ഇനിയിങ്ങോട്ട്, ഇതു പോലെ ഒരു വരവ് ഇല്ല. വക്കൊടിഞ്ഞ വാക്കുകൾക്കും, വഴുതിവീണ നോക്കുകൾക്കും, ഇവിടെ പൂർണവിരാമം.