പ്രണയം

പ്രണയം, ആ ഒരു വികാരം മാത്രമാണു ഭൂമിയിൽ ഉള്ളത് എന്നു ചിലർ പറഞ്ഞു കേട്ടിട്ടുണ്ട്. ബാക്കിയെല്ലാം അതിന്റെ വകഭേദങ്ങളാണത്രെ! ഒരിക്കലെങ്ങിലും പ്രണയം തോന്നാത്തവർ ചുരുക്കം. ചിലപ്പോൾ ചിലരോട്, ചിലപ്പോൾ ചിലതിനോട്.. ചിലപ്പോളാകട്ടെ, അതു ഒരു ആശയതിനോടോ ഒരു പ്രസ്ഥാനത്തിനോടോ പോലും.

വീണ്ടും വീണ്ടും വായിക്കുംതോറും പ്രിയമേറുന്ന ഒരു പ്രണയഗീതം:

"നമുക്ക് വയലുകളിലേക്കു പോയി
ഗ്രാമങ്ങളിൽ രാപാർക്കാം..
അതിരാവിലെ എഴുന്നേറ്റ്
മുന്തിരിത്തോട്ടങ്ങളിൽ ചെല്ലാം..
അവ തഴച്ചുവളർന്നോയെന്നും
മുന്തിരിപ്പൂക്കൾ വിടർന്നോയെന്നും
മാതളനാരകം പൂവിട്ടോയെന്നും നോക്കാം..
എന്നിട്ട്, അവിടെവച്ച് നിനക്ക്
ഞാനെന്റെ പ്രണയം നൽകാം.."

-സോളമന്റെ പ്രണയഗീതങ്ങൾ