വീണ്ടും
എഴുതാൻ വാക്കുകളില്ല,
മനസ്സും.
രണ്ടായി പിരിഞ്ഞ വഴിയിൽ
അവരെന്നോട് വിട പറഞ്ഞു.
ഇനി കാണുമോ എന്ന് അറിയില്ല.
വിട പറയാൻ പോലും
ഒരു വാക്ക് ബാക്കി വെയ്ക്കാതെ...
ഇനിയും കാണുമായിരിക്കും,
അല്ലെ?
ഭൂമി ഉരുണ്ടതാകുന്നു.
പറിച്ച്‌ നടൽ
നെഞ്ചിൽ ആഴ്‌ന്നിറങ്ങിയ വേരുകൾ ആണ്‌ നിന്നെ കുറിച്ചുള്ളതെല്ലാം. അതൊരു പെരുംവൃക്ഷമാ- യിങ്ങനെ നിലകൊൾകെ എങ്ങിനറുത്തു മാറ്റും? കടക്ക്‌ വെട്ടിക്കരിക്കണോ, അതോ, ചന്ദനമീട്ടി കണക്കെ പലകകളാക്കി, അതിൽ ജീവനെരിക്കണോ? മാറ്റി നടാനാറടി തികച്ചില്ലാതെ ഉൾവലിഞ്ഞു പോയീ എന്റെ സ്നേഹവും.
Comments
Post a Comment